Qısa məlumat: Cəmiyyət Respublika qanunvericiliyi ilə qadağan olunmayan hər növ təsərrüfat fəaliyyəti ilə məşğul olur. Cəmiyyətin təşkil edilməsində məqsəd Azərbaycan xalqının milli mədəniyyətinin inkişaf etdirilməsinə yardım göstərməkdir. O, aparıçı yaradıcılıq və ictimai təşkilatları ilə milli mədəniyyətin inkişafı tendensiyalarının analizi, onların inkişaf etdirilməsi konsepsiyaları sahəsində məqsədyönlü və ardıcıl iş aparır. Azərbaycan Respublikasının, habelə xarici ölkələrin fiziki və hüquqi şəxsləri üçün xalça və xalça məmulatları, xalq tətbiqi sənəti və s. incəsənət nümunələrinin milli dəyərinin müəyyənləşdirilməsi, xüsusi bədii ekspertiza keçirilməsi və mühafizə şəhadətnaməsi verilməsi üçün ekspert komissiyasının işini təşkil edir, metodiki məsləhətçi ekspert yardımı və vasitəçilik xidməti göstərir, müsabiqə, hərrac, folklor bayramlarını, xeyriyyəçilik aksiyalarını, lotoreya və digər biletlərin satışını, respublikada və beynəlxalq miqyasda sərgilərin keçirilməsini təşkil edir, kataloq, bukletlər və s. poliqrafiya məhsullarını dərc edir, fiziki və hüquqi şəxslərə elmi-texniki, layihə, servis, müxtəlif növ mehmanxana, restoran, muzeylər və s. haqqında informasiya, marketinq, nəqliyyat, məsləhət xidmətləri göstərir. Respublikada turizmin, o cümlədən beynəlxalq muzey turizminin həyata keçirilməsini, Azərbaycanm sənətkarlıq bölgələrinə səyahətləri, maraqlı ekskursiyaları və s. təşkil edir. Muzey proqramları üzrə dərnəklərin təşkilinə və yaradıcılıq emalatxanalarının yaradılmasına yardım edir.