Qısa məlumat: Milli bəstəkarlıq məktəbinin yaranması və təşəkkül tapması məhz Üzeyir Hacıbəyovun adı ilə bağlıdır. Böyük alim və müəllim, gözəl publisist və dramaturq Üzeyir Hacıbəyov Azərbaycan musiqisinin klassikidir. Muzeyin ekspozisiyası buraya gələnləri bəstəkarın həyat və yaradıcılığının parlaq səhifələri ilətanış edir. Muzeyin qonaqları bəstəkarın şəxsi əşyaları ilə də tanış olurlar. Burada hər şey onun sağlığında olduğu kimidir. Yarımçıq qalmış «Azərbaycan» simfonik poemasının partiturası indi də onun yazı masasının üstündə qalmaqdadır. Ekspozisiyada Hacıbəyovun Yaxın Şərqdə ilk opera sayılan «l_eyli və Məcnun»dan başlayaraq klassik «Koroğlu»ya qədər bütün musiqili səhnə əsərlərindən danışılır. Muzeydə bəstəkara bağışlanılan qiymətli hədiyyələr, ona məxsus olan sənəd və mükafatlar nümayiş etdirilir.