Qısa məlumat: Qoruq-Muzey Şirvanşahlar dövlətinin qüdrətli hökmdar-larının bənzərsiz iqamətgahı olan Şirvanşahlar Saraymı qoruyur. Şirvanşahlar Sarayı 35-ci Şirvanşah I Xəlilullah tərəfindən XV-XVI əsrlərdə ucaldılmışdır. Bu kompleks 52 otaqlı saray binasını, «Divanxananı», XV əsrdəyaşamışsarayalimi Seyid Yəhya Bakuvinin (Şirvanı) türbəsini, «Şərq» portalını, saray məscidini, şahm ailəsinə mənsub türbəni, qədim saray hamamını və70 pilləli yeraltı su anbarı olan şah ovdanını özündə birləşdirir. Onun tikililəri «içəri Şəhər»in təpələrindən birinin ən yüksək nöqtəsində yerləşir.
Filiallar haqqında qısa məlumat: «Qız qalası» «içəri şəhər»in cənub-şərq hissəsində ucalır. «Qız qalası» Bakı şəhərinin rəmzidir. Azərbaycan memarlığının bu təkrarolunmaz abidəsi iki mərhələdə inşa edilib: abidənin hündürlüyü 13,7 m. qədər ucalan aşağı hissəsi bir çox Azərbaycan alimlərinin hesab etdikləri kimi, e.ə. VII-VI əsrlərə aid edilir. XII əsrdə isə yenidənqurma işləri aparılmışdır.
Od məbədi «Atəşgah» Bakıdan 30 km. aralı, Abşeron yarımadasının Suraxanı qəsəbəsinin cənub-şərq hissəsində yerləşir. «Atəşgah» XVII-XVIII əsrlərdə tikilmişdir. XVIII əsr ərzində məbədin ətrafında bir-birinin yanında ibadətxana və hücrələr, karvansara tikilib düzəldilir. XIX əsrin əwəlində isə məbəd artıq bizim günlərə gəlib çıxdığı şəkli almışdır. Məbəd-səcdəgah hind tacirlərinin vəsaiti ilə tikilmişdir. 1975-ci ildə burada bərpa işləri aparılmışdır.